Que esconde o universo máis profundo? Cal é o proceso de crecemento dunha flor? Como se contaxia un arrefriado? Os máis pequenos e pequenas fanse moitas preguntas sobre todo aquilo que os rodea.
E neste libro atoparán todas as respostas. É a mellor ferramenta para os primeiros lectores e lectoras máis curiosos que queren descubrir aquelas cousas que quedan fóra do alcance do ollo humano.
Hai cousas tan pequenas que non as podemos ver a primeira ollada, por exemplo as bacterias. Ao mesmo tempo, hai outras tan grandes, como o sistema solar, que o noso ollo non as pode alcanzar. Tamén hai cousas que se nos escapan porque son demasiado rápidas ou demasiado lentas ou porque se esconden na escuridade ou no interior das cousas.
Desde as realidades microscópicas ata a inmensidade das estrelas, este libro estimulará a nosa curiosidade sobre as dimensións máis descoñecidas da nosa realidade máis próxima.