Despois de acabar a súa serie sobre a vida en Costa do Marfil, Marguerite Abouet, autora de Aya de Youpougon, volve á carga cunha nova serie ambientada, esta vez, en París. A protagonista é Benvida, unha estudante de Belas Artes que, ademais de odiar o seu nome, ten unha gran lista de cousas que non soporta da súa vida. Vive nunha minúscula bufarda coa súa prima, que ten certa tendencia aos problemas cos homes, traballa como canguro para poder subsistir, e aínda así a duras penas chega a final de mes, e ten serios problemas para relacionarse co sexo oposto, cousa que a frustra e deprímea. Pero, a pesar de tantos inconvenientes, ela está decidida a cambiar e conseguir alcanzar a felicidade.